Главная / Деятельность / Нематериальное культурное наследие / Порозовская банкуха

Порозовская банкуха

Традыцыя прыгатавання «Поразаўскай банкухі»
у Свіслацкім раёне Гродзенскай вобласці

Для выпечкі банкухі неабходна падрыхтаваць наступныя прадукты:

60 яек;
1 кілаграм вяршковага масла вышэйшай тлустасці;
1 кілаграм смятаны вышэйшай тлустасці;
1 кілаграм цукровай пудры (можна выкарыстаць і цукар);
1 кілаграм мукі вышэйшага гатунку,
5-6 пачак ваніліну.

Назва “банкуха” у Поразаве замацавалася ў 30-х гг. ХХ ст. Менавіта ў гэтай мясцовасці банкуху здаўна ўключылі ў мясцовую святочную кухню і захавалі як каштоўную для супольнасці кулінарную традыцыю.

Шалкевіч Ганна Станіславаўна навучылася выпякаць банкуху у сваёй суседкі Шалкевіч Марыі Іванаўны, якая у сваю чаргу атрымала гэтыя веды ад сваёй цеткі Паплаўскай Магдалены.

Кóзюк Алена Чаславаўна навучылася ад сваёй свякрухі Кóзюк Яніны Іванаўны, якая пераняла ўменне ад Кóзюк Пелагеі Іосіфаўны.

«Банкуха» у Поразаве пэўны час была абавязковым атрыбутам вясельнага стала. Драўляны валік пакрываецца вадкім цестам, якое запякаецца побач з адкрытым агнём, затым наносіцца і запякаецца новы слой цеста і так паўтараецца многа разоў.

Баумкухен.

У сучаснай Германіі баўмкухен прадаецца ў крамах у пераднавагодні час, ён стаў традыцыйнай каляднай выпечкай.

Шакоціс

Літоўцы «шакоціс» лічаць сваёй нацыянальнай стравай, таму яна занесена ў Літоўскі нацыянальны фонд кулінарнай спадчыны.

Сэнкач

Сёння ў Польшчы гэты сапраўды каралеўскі пірог па-ранейшаму папулярны. Кулінары пякуць яго на ражне над агнём або гарэлкай і сустрэць яго ў крамах можна круглы год.

Цеста наліваюць на драўляны валік, таму выпечка атрымоўваецца не гладкая, а пакрытая “вырастамі” цеста, якое запяклося пакуль сцякала.

Такім чынам, тэхналогія прыгатавання, знешні выгляд і прызначэнне выпечкі, як урачыстай, вясельнай, святочнай стравы ў нямецкага баумкухена, беларускай банкухі, літоўскага шакоціса і польскага сэнкача падобныя.

Наша беларуская банкуха больш галінастая і не мае ніякага дадатковага дэкору, у той час, як баумкухен, сэнкач і шакоціс могуць быць гладкімі, ці дэкараванымі шакаладам і глазурам.

У Поразаве ўменнем выпякаць банкуху валодаюць гаспадыні з некалькіх сямей у трох пакаленнях.

Прыгатаваннем банкухі зацікавіліся вучні Поразаўскай сярэдняй школы, якія з’яўляюцца ўдзельнікамі аматарскіх калектываў. Яны вывучаюць гісторыю ўзнікнення банкухі, рэцэпт, а асабліва іх цікавіць працэс прыгатавання.