Згодна пастановы Міністэрства культуры Рэспублікі Беларусь №15 ад 20 лютага 2020 года нададзены статус гісторыка-культурнай каштоўнасці нематэрыяльныму праяўленню творчасці чалавека – “Беларускія мастацкія практыкі саломапляцення”.
Старажытным відам народнага мастацтва з’яўляецца саломапляценне, якое да гэтага часу шырока бытуе на Беларусі.Сярод іншых рэгіёнаў рэспублікі у Гродзенскай вобласці саломапляценне развіваецца на ўзроўні мастацкага рамяства. Носьбітамі і пераемнікамі традыцыі з’яўляюцца 51 майстар саломапляцення.
Намінацыя «Саломапляценне Беларусі: мастацтва, рамяство, уменні» уключана ў Рэпрэзентацыйны спіс нематэрыяльнай культурнай спадчыны ЮНЕСКА. Адпаведнае рашэнне было прынята 1 снежня 2022 года на 17-й сесіі Міжурадавага камітэта па ахове нематэрыяльнай культурнай спадчыны ЮНЕСКА, якая праходзіла ў Марока.
У Свіслацкім раёне носьбітам мастацтва саломапляцення з’яўляецца Ірына Фунт. Творчую дзейнасць пачала ў 2011 годзе ў Доме рамёстваў. Самастойна займалася вывучэннем літаратуры па саломапляценню,спрабавала розныя тэхнікі пляцення і паступова ўдасканальвала свае навыкі. Майстар ў сваіх работах выкарыстоўвае такія віды і спосабы пляцення як: прамое, “зубатка”, з чатырох саломін, вітое, пляценне з цотнага і няцотнага чысла саломін. Пры вырабу саламяных скульптур, птушак, жывёл, лялек выкарыстоўвае вітое пляценне. Ірына Фунт займаецца стварэнням дэкаратыўных пано, кветак, вазаў, саламяных скульптур, капялюшаў, вяночкаў, абручыкаў і іншых мастацкіх вырабаў . Неаднаразова была ўзнагароджана дыпломамі за майстэрства.Саламяны сувенір лічыцца вельмі папулярным і найбольш даступным.
Для захавання жыццядзейнасці нематэрыяльнай культурнай каштоўнасці на базе аддзела працуюць дзіцячыя гурткі “ Залатая саломка”, “ Традыцыі і сучаснасць”. Праводзяцца группавыя і індывідуальныя майстар- класы па пляценню з саломкі, персанальныя выстаўкі творчых работ майстра, тэматычныя экскурсіі.
Цёплыя сустрэчы : Ірына Фунт, майстар саломапляцення са Свіслачы
